``ദൈവത്തിന്റെ സ്വന്തം നാട് ''

അങ്ങനെ അല്ലാത്തത് കൊണ്ട് നമ്മൾ എഴുതി വെക്കുന്നു

ശ്രീ ശങ്കരനും ഗുരുവും ജനിച്ച ഈ മണ്ണിൽ.....

ചുറ്റിനും `സൗമ്യ മാർ' തേങ്ങുന്നു

എന്റെ `ചന്ദ്രേട്ടാ' എന്ന് ഒരു ഭാര്യ അലമുറയിടുന്നു

ഒരു അമ്മേടെ കണ്ണിൽ നിന്ന് ചോര പൊടിയുന്നു

ഞാൻ ആഗ്രഹിച്ചു പോയി

നമ്മുടെ മാതൃഭാഷ ഇംഗ്ലീഷ് ആയിരുന്നെങ്കിൽ എന്ന്

എങ്കിൽ `ചന്ദ്രേട്ടന് ' ഇരുപത്താറ് വെട്ടേ ഏൽക്കുക ഉള്ളുവല്ലോ

ഏതു കോടതി വെറുതെ വിട്ടാലും അല്ലയോ ``നരാധമാ'' ആ അമ്മേടെ

കണ്ണ് നീര് നിന്നെ പൊള്ളിക്ക തന്നെ ചെയ്യും

ദൈവത്തിന്റെ കോടതിയിൽ നീതി നടപ്പാകും

.........................................................................

കാടില്ല, വെള്ളമില്ല, ശ്വസിക്കാൻ ശുദ്ധവായു ഇല്ല,

എങ്ങും കോണ്‍ക്രീറ്റ് കാടുകൾ മാത്രം

ചില്ലറ വില്പനക്കാർ വംശ നാശം സംഭവിച്ചിട്ടു വർഷങ്ങൾ ആകുന്നു

വ്യാപാര രംഗത്ത് അംബാനിമാർ വിലസുന്നു ....

സ്ത്രീ കൾക്ക് പട്ടാപ്പകൽ നിരത്തിൽ ഇറങ്ങാൻ വയ്യ

പുറത്തു പോകുന്ന മക്കൾ വരും വരെ ശ്വാസം പിടിച്ചിരിക്കണം

പുഴകളും കുളങ്ങളും കിണറുകളും വിണ്ടു കീറിക്കിടക്കുന്നു

ശ്വസിക്കാൻ വായു കാശിനു വാങ്ങി ഉപയോഗിക്കുന്ന ദിവസം വളരെ അടുത്ത്

നമ്മുടെ പറമ്പിലെ ചവർ വാരി നാം അയല്ക്കാരന്റെ മുഖത്ത് എറിയുന്നു

പുഴകൾ ഒഴുക്ക് നിലച്ചു കൊതുകുകൾക്ക് വിഹാരം ഒരുക്കുന്നു

എന്നിട്ടും നമ്മൾ എഴുതുന്നു, ``ദൈവത്തിന്റെ സ്വന്തം നാട് '' എന്ന് ????