നായ ക്ക് പറയാനുള്ളത്

വലിയ നിലവിളി കേട്ടാണ് ടോമി ഓടി വന്നത് , കുഞ്ഞു മോൾ വീണത്‌ ആണെന്നാ കരുതിയെ , നടന്നു തുടങ്ങുന്നേ ഉള്ളു . ഇതു വേറെ എന്തോ ആണ് . അവൻ അകത്തേക്ക് ഏന്തി വലിഞ്ഞു നോക്കി , ഒന്നും കാണാൻ പറ്റണില്ല , ഉളളിൽ കയറാം എന്ന് വച്ചാൽ പിന്നെ വിരുന്നു കാരുടെ ശകാരം കുഞ്ഞിന്റെ അമ്മക്ക് കിട്ടും .

``അമ്മെ എന്നെ കാണണം എന്ന് പറഞ്ഞിട്ട് , ഞാൻ വന്നപ്പോഴേക്കും .....'' കഴിഞ്ഞ മാസം മുത്തശിടെ കയ്യിൽ നിന്ന് വാടക വാങ്ങി പോയ പോക്കാ, പിന്നെ വരുന്നത് ഇപ്പോൾ , എണീറ്റ്‌ നടന്നയാൾ കിടപ്പായതും ഭക്ഷണം കഴിക്കുന്നത്‌ കുറഞ്ഞതും , അവസാനം കാണണം എന്ന് പറഞ്ഞതും ഈ പടിക്കെട്ടിൽ കിടന്നു ഞാൻ കേട്ടതാണ് . ഈ മനുഷ്യര് എന്താ ഇങ്ങനെ ആയതു. ടോമി ചിന്തിച്ചു കിടന്നു മയങ്ങി പ്പോയി .

കാറിന്റെ ഡോർ ശബ്ദത്തോടെ അടക്കുന്ന കേട്ട്, ഉറക്കത്തി l നിന്നും ടോമി ഞെട്ടി ഉണർന്നു . ദേഷ്യത്തോടെ നോക്കുമ്പോൾ മുത്തശിടെ ``മൂത്ത മോൾ'' ആണ് . ഈ മോളെ ക്കുറിച്ചാണ് മുത്തശി വരാന്തയിൽ ഇരുന്നു എപ്പോഴും പറയാറ് ,
``അവശത ആവുമ്പോൾ അവിടെ കൊണ്ട് വിടണം , നിനക്ക് കുഞ്ഞു ഉള്ളത് കൊണ്ട് പ്രയാസം ആകും ''. അവശത കൂടിയപ്പോൾ ``പശു'' ഉള്ള ന്യായം പറഞ്ഞു മുങ്ങിയ ശേഷം ഇന്നാണ് പൊങ്ങുന്നത് .

അതാ മൂന്നാമത്തെ ആളും എത്തി , ഇവിടെ പരാതി ആരോഗ്യ പ്രശ്നങ്ങളാണ് . വന്ന ഉടനെ നെഞ്ച് തല്ലി കരയാൻ തുടങ്ങിയ `ചേച്ചിയോട് ടോമിക്ക് ചോദിക്കണം എന്ന് ഉണ്ടായിരുന്നു , ഇന്നലെ ഹോസ്പിറ്റലിൽ കൊണ്ട് പോകാൻ നേരം കുറച്ചു സമയത്തേക്ക് വരുമോ എന്ന് ചോദിച്ചപ്പോൾ തലവേദന നടിച്ചതല്ലേ എന്ന് . `മനുഷ്യ ഭാഷ അറിയാത്തത് കൊണ്ട് ' അവൻ അകലേക്ക്‌ കണ്ണും നട്ട് മിണ്ടാതെ കിടന്നു .

ചടങ്ങുകൾ കഴിഞ്ഞു , കുഞ്ഞിന്റെ അമ്മ വീടിലെക്കൊന്നു പോയിട്ട് വരം എന്ന് പറഞ്ഞു പോയി . പട്ടിണിയുടെ വില പതിയെ, അറിഞ്ഞുതുടങ്ങി ടോമി . വിശന്നു വലഞ്ഞു മുറ്റത്ത്‌ വന്നപ്പോൾ അവിടെ ചർച്ച നടക്കുന്നു , അമ്മയുടെ രൂപ എങ്ങനെ പങ്കിട്ടെടുക്കണം , മക്കളുടെ സ്വഭാവം അറിഞ്ഞിട്ടോ എന്തോ അമ്മ തുല്യമായിട്ടാണ് രൂപ ഇട്ടിരിക്കു ന്നത് , ഇനി ആ പേരും പറഞ്ഞു തമ്മിൽ തല്ലില്ലല്ലോ . ടോമി ചിന്തിച്ചു . പക്ഷെ കുഞ്ഞിനേയും അമ്മയെയും മാത്രം അവിടെ ഒന്നും കണ്ടില്ല . ഓടയിലെ പച്ചവെള്ളം കുടിച്ചു വിശപ്പടക്കാൻ പാട് പെടുമ്പോൾ ടോമി പ്രാർത്ഥിച്ചു , അടുത്ത ജന്മവും ``നായ '' ആയിട്ടു മതി , `നരൻ ' ആകേണ്ട എന്ന് .