മായ ക്കണ്ണൻ

അമ്പലനടയിലും അരയാൽ
തറയിലും കണ്ണനെ കണ്ടില്ല

മുഖ മണ്ഡപത്തിൽ ഇരുന്നു
സഹസ്ര നാമത്തിൻ ചിറകിലേറി ഞാൻ
അരികിൽ ഒരു ചെറു വിരൽ അനക്കം
മുന്നിൽ പീതാംബര ധാരി
ഒന്ന് കണ്ണ് ചിമ്മി എല്ലാം അപ്രത്യക്ഷം
വീണ്ടും നാമത്തിൻ കൈ പിടിക്കെ
പുറത്തു ഒരു തലോടൽ
കണ്‍ തുറക്കെ മുന്നിൽ വനമാലി
ഒന്ന് കണ്ണ് ചിമ്മി ഞാൻ എല്ലാം അപ്രത്യക്ഷം
പിന്നെയും നാമത്തിൽ മുങ്ങി പ്പോങ്ങെ
ഒരു ഓടക്കുഴൽ വിളി
ഇപ്പോൾ മുന്നിൽ ഗിരിധാരി
ഇത്തവണ കണ്ണ് ചിമ്മാതെ നിന്നു ഞാൻ
മുന്നിൽ ശങ്ഖു ചക്ര ഗദാ പത്മ ധാരി യായി
 എൻ മായ ക്കണ്ണൻ