രാപ്പക്ഷി

രാജകുമാരന് എന്നും

അവള്‍ പറഞ്ഞത് മൂളിക്കേട്ടു

രാജകുമാരിയും..................

അവള്‍ പറഞ്ഞതൊക്കെയും

അവന്‍റെ മനസ്സ് ആയിരുന്നു

അവള്‍ പറയാന്‍ ആഗ്രഹിച്ചതാണ്

അവന്‍ മൊഴിഞ്ഞതും  

അതുകൊണ്ട് തന്നെ

അവര്‍ക്കിടയില്‍ നിശ്ശബ്ദതയുടെ

സൗന്ദര്യം ആയിരുന്നു കൂടുതല്‍

അവര്‍ എന്നും ഒരേ

അഭിപ്രായക്കാരായിരുന്നു

ഒരുവേള ആ സൗഹൃദം

നഷ്ടമാകുമോ എന്ന് ഭയന്ന്

രാജകുമാരന്‍ തന്‍റെ

മനസ് മറച്ചു പിടിച്ചു

ആ മനസ് അറിഞ്ഞിട്ടും

അവളും…………………….

അത് മൂളിക്കേള്‍ക്കാന്‍ കൊതിച്ചു

കാത്തിരുന്നു .....................

ഒടുവില്‍ ....................

രാജകുമാരനും രാജകുമാരിയും

അയല്‍ രാജ്യങ്ങളിലേക്ക്

വിവാഹിതരായിപ്പോയി

കഥകേട്ട് ഉണ്ണിമോള്‍ ഉറക്കമായി

അപ്പോഴും ഇണയെ വേര്‍പെട്ട

രാപ്പക്ഷിയുടെ ദീനരോദനം

അമ്മയുടെ ഉറക്കം കെടുത്തി.........