--അമ്മ എന്ന ദൈവം --

പൊട്ടിച്ചിരി കൊണ്ട് കണ്ണ് നീരിനെ മറയ്ക്കാൻ

എന്നെ പഠിപ്പിച്ചത് അമ്മയാണ്

കതിർമണ്ടപത്തിലേക്ക് കേറുന്ന നേരം

മംഗല്യ ചരടിനായി ഭർത്താവിന്റെ കുഞ്ഞു

പെങ്ങൾ കേണപ്പോൾ സ്വന്തം മംഗല്യ ചരട് നല്കി

അമ്മ എന്നെ `സ്നേഹം' പഠിപ്പിച്ചു

അതിഥികൾക്ക്‌ അന്നം കൊടുത്ത ശേഷം

എന്നെ ഊട്ടി, പച്ചവെള്ളം കുടിച്ചു അമ്മ

``അതിഥി ദേവോ ഭവ: '' എന്ന് പഠിപ്പിച്ചു

അള്ളാഹുവും  ഈശോയും അയ്യപ്പനും

മൂന്നു വഴികൾ ആണെന്ന് പാടി
ഏകത്വം പഠിപ്പിച്ചതും അമ്മ തന്നെ

കൂട്ടുകാരിയെപ്പോലെ എന്നോടൊപ്പം നടന്നു അമ്മ

കാണിച്ചു തന്ന ക്ഷമയുടെയും സഹനത്തിന്റെയും

വഴികളിൽ ഒരു ശതമാനം

പോലും പഠിച്ചില്ല എന്നത് എന്റെ `നേട്ടം' ......

ഞാൻ നീട്ടുന്ന സഹായങ്ങൾ നിരസിച്ചു അമ്മ തന്റെ

സ്നേഹത്തിനു വില ഇടേണ്ട എന്ന് ഓർമിപ്പിച്ചു,

മറ്റുള്ളവർ ചെയ്ത നന്മയെ മാത്രം ഓർക്കാനും

നാം മറ്റുള്ളവര്ക്ക് ചെയ്ത തിന്മയെ
ഓർക്കാനും ഉപദേശിച്ചു അമ്മ

ജ്വലിക്കുന്ന പ്രകാശ ധാരയായി 

എന്നെ കൈ പിടിച്ചു നടത്തുന്നു എന്നും