ഓണം

ബസ് ഇറങ്ങി പാട വരമ്പിൽ എത്തിയപ്പോൾ തന്നെ ഉണ്ണി ക്കുട്ടനു ബോർ അടിച്ചു തുടങ്ങി.

അച്ഛന്റെ നീരസം വാങ്ങി ഈ യാത്ര വേണ്ടി യിരുന്നില്ല. കാൽ അത്രേം ചെളി ആയി. അച്ഛന്റെ ഭാഷയിൽ റബ്ബിഷ്. കുളക്കടവിൽ കുറെ പെണ്‍ കുട്ടികൾ നീന്തി തുടിക്കുന്നു.
അയ്യേ മമ്മിയെ പ്പോലെ അല്ല. അസത് പെണ്ണുങ്ങൾ. അവൻ കരുതി. ചിന്നു കേറി വാ. അമ്മമ്മ നീട്ടി വിളിച്ചു.
ഗേറ്റ് കടന്നപ്പോഴേ, ചാണകത്തിന്റെ മണം --ഉണ്ണിക്കുട്ടന് ഓക്കാനം വന്നു. അമ്മമ്മ ചിന്നു ചേച്ചി വന്നതും തല തുവർത്തി. കുന്തിരിക്കം പുകച്ചു മുടി ഉണക്കി. ഉണ്ണി ക്കുട്ടൻ വിചാരിച്ചത് മമ്മിടെ drier ഉപയോഗിച്ചുള്ള മുടി ഉണക്കൽ ആയിരുന്നു. അമ്മമ്മേട ഡ്രസ്സ്‌ എടുത്തപ്പോൾ താഴംപൂ മണം. അവന് എല്ലാം പുതിയ കാഴ്ചകൾ.

രാവിലെ അമ്മമ്മ വിളിച്ചു ഉണർത്തി. മുറ്റത്ത്‌ ചാണകം കൊണ്ട് ഒരു കളം. പൂ പറിക്കാൻ അമ്മമ്മ ഉണ്ണിയെയും കൂട്ടി. ചെരുപ്പില്ലാതെ വെളുപ്പിന് പുല്ലിൽ ചവിട്ടിയപ്പോൾ അവന് ദേഹം കോരിത്തരിച്ചു. തൊടിയിലെ പൂക്കൾ പറിച്ചു അവർ കളം നിറച്ചു. അങ്ങനെ ഒൻപതു ദിവസം പോയതേ അറിഞ്ഞില്ല. ഇപ്പോൾ അവന് ചാണകത്തിന്റെ മണം ഇഷ്ടമായി തുടങ്ങി . വീണ്ടും ഫ്ലാറ്റിൽ പോകുന്നത് അവന് ആലോചിക്കാനേ വയ്യ. ഊഞ്ഞാൽ ആടി മതി ആയില്ലെങ്കിലും അമ്മമ്മ യെ വിഷമിപ്പിക്കണ്ട എന്ന് കരുതി, അവൻ ഊണ് കഴിക്കാൻ എത്തി. ഇലയിൽ എല്ലാ കറികളും ചന്തത്തിൽ വിളമ്പിയത് കണ്ടപ്പോൾ അവന് വായിൽ വെള്ളം ഊറി. വീട്ടിൽ അച്ഛൻ ആ ദിവസം ഒരു പാർസൽ വാങ്ങി വരും--ഓണസദ്യ യുടെ.

സദ്യ കഴിഞ്ഞപ്പോൾ തിരുവാതിരക്കളി തുടങ്ങി. തുമ്പി തുള്ളൽ കണ്ടു ഉണ്ണിക്കുട്ടൻ പേടിച്ചു പോയി. ചിന്നു ചേച്ചിടെ മറവിൽ നിന്നാണ് കണ്ടത്. പട്ടണത്തിലേക്ക് തിരിച്ചു പോകുന്നത് വിചാരിച്ചപ്പോൾ അവന് വിഷമം തോന്നി.

രാത്രി അച്ഛൻ വിളിക്കുമ്പോൾ എന്തെങ്കിലും കാരണം പറഞ്ഞു യാത്ര നീട്ടുന്നതിനായി അവൻ തല പുകച്ചു. കമ്പ്യൂട്ടർ ക്ലാസ്സ്‌ മുടങ്ങിയത് അച്ഛന് വളരെ ദേഷ്യം ആയെന്നു അമ്മ പറഞ്ഞപ്പോൾ അവന് എങ്ങോട്ടെങ്കിലും ഓടി പ്പോകാൻ തോന്നി.
********************************************************************************

ഉണ്ണി, ഉണ്ണീ അമ്മ കുലുക്കി വിളിച്ചപ്പോൾ അവൻ കണ്ണ് തുറന്നു, എവിടെ ഊഞ്ഞാൽ. അവൻ ചുറ്റും നോക്കി. എന്താടാ പെട്ടെന്ന് ക്ലാസിനു പോകാൻ നോക്ക്. അപ്പോൾ ആണ് ഉണ്ണിക്കുട്ടൻ താൻ സ്വപ്നം കാണുക ആയിരുന്നു എന്ന് മനസിലായത്.