കേരളം

ഇത് സമ്പത്തിനു നടുവിലും
സ്നേഹത്തിനായി കൊതിക്കുന്ന
യാചകരുടെ ലോകം

ഇത് വൃദ്ധരെയും കുഞ്ഞുങ്ങളേയും
പട്ടിക്കൂട്ടില്‍ അടക്കുന്ന
പട്ടിയെ മെത്തയില്‍ കിടത്തുന്ന
സംസ്കാര സമ്പന്നരുടെ ലോകം

ഇത് അഞ്ചു വര്ഷത്തില്‍ ഒരിക്കല്‍
പുന:പ്രതിഷ്ഠ നടത്തുന്ന
അഴിമതിയുടെ വിഴുപ്പു ഭാണ്ഡം പേറുന്നവനെ
ചുമക്കാന്‍ വിധിക്കപ്പെട്ടവന്റെ ലോകം

ഇത് സഹ ജീവികള്‍ സഹായത്തിനു
കൈനീട്ടുമ്പോള്‍ അവര്ക്ക് നേരെ
മൊബൈല്‍ നീട്ടുന്ന സേവകന്മാരുടെ ലോകം

ഇത് കൊലയും കോഴയും
ഒരു മാസം ചര്ച്ച ചെയ്തു
നേര്പ്പിച്ചു ഇല്ലാതെ ആക്കുന്ന
മാധ്യമ സംസ്കാരത്തിന്റെ ലോകം

ഇത് നട്ടെല്ലു പണയം വച്ച
രാഷ്ട്രീയക്കാരുടെ ലോകം

പൊതുജനം എന്ന കഴുത
എന്നും തോറ്റ് പോകുന്നൊരു ലോകം

ക്ഷമ നശിച്ചൊരു പൌരന്റെ വാക്കുകള്‍
ജല്പനം ആകുന്ന ലോകം.......