ചൂഷണം

അന്ന് നമ്മള്‍ കാറ്റിനെ ആരാധിച്ചു
വായുഭഗവാനായിക്കണ്ട്
നമ്മള്‍ ജലത്തെ ആരാധിച്ചു 
വരുണദേവനായിക്കണ്ട്
അഗ്നിയെ ആരാധിച്ചു
അഗ്നിദേവനായിക്കണ്ട്
കാവും കുളവും കാത്തു വച്ചു
സര്പ്പക്കാവ് എന്ന് പേടിപ്പിച്ചു
അധിനിവേശം തടഞ്ഞു
പിന്നെ നമുക്ക് പരിഷ്കാരി
ആവണമായിരുന്നു
എല്ലാം വഴിയില്‍ ഉപേക്ഷിച്ചു
കയ്യേറ്റം തുടര്ന്നപ്പോള്‍
ചൂഷണം സഹിക്കാതെ
പഞ്ച ഭൂതങ്ങള്‍ പ്രതികരിച്ചു
നിരപരാധികളും കുഞ്ഞുങ്ങളും
അതിന്റെ ഫലം അനുഭവിക്കുമ്പോള്‍
`ആ അമ്മയ്ക്കും' നോവുന്നുണ്ടാകും