അമ്മ

ഇല്ല കുഞ്ഞേ നിന്നെ അമ്മ തല്ലില്ല മേലിൽ
എന്ന് നിരൂപിക്കും എന്നും മനസ്സിൽ
പക്ഷെ നിൻ നിർബന്ധം 
എന്നിൽ അക്ഷമ പടർത്തുമ്പോൾ,
എനിക്ക് ഭ്രാന്ത് പിടിക്കുന്ന പോലെ,
എന്റെ വിരലുകൾ നിൻ തുടയിൽ ചിത്രം വരക്കും
നീ ഒന്ന് കൂടി ഉച്ചത്തിൽ നിലവിളിക്കും ......
എന്റെ കണ്ണുകൾ നിരയന്നുണ്ട് , ഉളളിൽ ഉണരുന്ന തേങ്ങലുകൾ .... .
എന്റെ കുഞ്ഞേ നിനക്ക് അറിയില്ല ,
ഈ അമ്മ സഹിക്കുന്ന പീഡകൾ ,
കാശിന് വിലപേശി നമ്മെ പടിക്കു പുറത്താക്കി നിന്നച്ച്ചാൻ
കൊത്തിപ്പരിക്കാൻ കഴുകൻ കണ്ണുകൾ ചുറ്റിനും
ഭ്രാന്തി ആയി നടിച്ചു എന്ന് വരെ പിടിച്ചു നിൽക്കും , അറിയില്ല എനിക്ക്
ഈ തെരുവിൽ , വറ്റിനായ് , നായ് ക്കലോടൊപ്പം കടിപിടി കൂടുന്നു നാം
മൂന്നു നാളായി പട്ടിണി ആണ് അമ്മ ,
വിശന്നു വലയും നിൻ വിരലുകൾ എന്റെ നെഞ്ചിൽ പരതുമ്പോൾ .......
ഒഴിഞ്ഞ വയറുമായി നീ മയങ്ങുമ്പോൾ .......
ഈ കുരിരുട്ടുനോക്കി പകച്ചിരിക്കാൻ മാത്രം എൻ വിധി ....